Question 1

Hvernig eru ferðir okkar til Kúbu öðruvísi?

Answer

Við bjóðum uppá öðruvísi ferðir til Kúbu en alltaf með áherslu á persónulega nálgun. Markmið okkar er að fólk fái að upplífa Kúbu með augum innfæddra. Við viljum líka kynna hina hliðina á landinu því Kúba er svo miklu meira en bara salsa og vindlar. Stofandi Kúbuferða, Carlos vildi alltaf kynna landið sitt á annan hátt en aðrar ferðaskrifstofur gera með áherslu á daglegt líf og að kynnast innfæddum en á sama tíma fræðast um sögu landsins, stjórnmál og menningu.

Question 2

Afhverju að fljúga til Kúbu í gegnum Kanada?

Answer

Við höfum góða reynsu að fljúga í gegnum Kanada. Það gerir ferðina auðveldri að skipta upp fluginu. Fyrst er um fimm tíma flug og síðan daginn eftir rúmlega þriggja tíma flug til Kúbu. Við gistum alltaf á góðum hótelum í Kanada og síðan er allaf möguleiki að lengja ferðina í Kanada.

Question 3

Hver eru næstu skref eftir skráningu?

Answer

Eftir að þú hefur skráð þig í ferð hjá okkur þá ertu kominn á listann. Við sendum staðfestingu í tölvupósti strax eftir skráningu og þá þarftu að senda okkur mikilvægar upplýsingar eins og vegabréfsnúmer o.s.fv. Ef þú ert ekki með þessar upplýsingar við hendina þá er ekkert mál að senda aukaupplýsingar seinna.

Question 4

Þarf ég vegabréfsáritun til Kúbu og Kanada?

Answer

Stutt svar: JÁ Til að fara til Kanada þarf að fylla út eTA (Electronic Travel Authorization). Það kostar um 700 kr. Við aðstoðum að fá þetta ef það koma upp vandamál. Hérna er linkurinn: https://onlineservices-servicesenligne.cic.gc.ca/eta/ ATH: alls ekki kaupa vegabréfsáritun til Kanada frá öðrum heimasíðum. Það eru svindsíður þar sem þú borgar miklu meira en það þarf. Það er ekkert mál að panta tíma hjá okkur og við aðstoðum við að kaupa ártitun.
Til að komast inní Kúbu þarf að fylla út ferðamannakort og það er gert í flugvélinni á leið til landsins. Vegabréfið þitt þarf að vera gilt minnst sex mánuði eftir ferðina.

Question 5

Hvenær er ég staðfest/ur í ferðina?

Answer

Þegar við höfum fengið allar upplýsingar frá þér og fyrsta greiðsla hefur verið gerð. Það er venjulega um hálfu ári fyrir ferðina ef þú pantar langt fram í tímann.

Question 6

Hvenær þarf ég að greiða fyrir ferðina?

Answer

Ferðin verður að vera greidd að fullu tíu vikum fyrir brottför.

Question 7

Greiðslumöguleikar?

Answer

1.Krafa í heimabanka 2.Greiðslukortagreiðslur. (Visa og Master Card) 3.Raðgreiðslur á kreditkort. (Borgun)

Question 8

Hvað ef ég þarf að hætta við ferðina?

Answer

Ef þú kemst ekki í ferðina þá reynum við að koma á móts við þig. Ef þú hefur þegar byrjað að greiða fyrir ferðina og getur útvegað annan einstakling í ferðina fyrir þig í staðinn þá gilda skilmálar Kúbuferða.

Question 9

Hvað með að bæta við dögum eftir ferðina í Kanada?

Answer

Ef þú vilt bæta við dögum í Kanada þá er það ekkert mál. Það er smá aukgjald að upphæð 5.000 krá hvern farþega fyrir Icelandair flugið. Einnig getur bæst við mismunur á fargjaldi. Hótel í Kanada þaft þú að greiða aukalega en við aðstoðum að bóka hótel og ferðir í Kanada þegar nær dregur ferðinni. Við munum vera í sambandi við hópinn með tölvupósti og gefa ykkur upp allar upplýsingar um aukadaga og allann kostnað, eftir fyrstu greiðslu. Við munum líka senda ykkur sem viljið framlengja ferðinni í Toronto, upplýsngar um hótel sem þið getið bókað í miðbæ Toronto.

Question 10

Mikilvægar upplýsingar fyrir ferðina þína til Kúbu:

Answer

GJAFIR: Gott er að taka með smágjafir til að gefa þegar við förum í skóla eða til fólks sem við hittum. Þetta þarf ekki að kosta mikið og gott að hreinsa til í skúffum á heimilinu. Skólavörur, snyrtidót, léttar bílarvörur (kerti og svoleiðis) og gleraugu eru góðar gjafir.
PENINGAR: Á Kúbu eru notaðir tvennskonar gjaldmiðar: Kúbanskur peso (CUP) sem innfæddir nota og Kúbanskur Dollar (CUC) sem ferðamenn nota. Við munum nota þann galdeyri. Best að taka með dollara, euro eða kanadískan dollar. Hægt að skipta gjaldeyri þegar við lendum á Kúbu. GREIÐSLUKORT: Ekkert mál er að taka út pening í hraðbönkum, bæði með VISA og MasterCard. AMEX virkar ekki. Yfirleitt ekki hægt að greiða með greiðslukortum nema á fínum hótelum og stórum ríkisreknum búðum.
MATUR: Kúba hefur haft það orð á sér að maturinn þar sé vondur en það hefur lagast mjög mikið. Núna eru komnir margir einkareknir veitingastaðir sem bjóða uppá margskonar rétti. Algengast er að fá hrísgrjón og baunir með kjúkling eða svínakjöti. Eins og allstaðar í heiminum þarf maður að vera á varðbergi gagnvart óhreinindum en á Kúbu eru eldhús mjög hrein og ströng viðurlög ef veitingastaðir brjóta reglur.
VATN: Ekki drekka vatn úr krananum. Allt í lagi er að bursta í sér tennurnar og fara í sturtu. Vatnsflöskur er hægt að kaupa út um allt.
SÓL OG HITI: Mikilvægt að hafa góða sólarvörn og drekka mikið af vatni.
MOSKÍTÓ: Á sumum svæðum er meira af þessum andskota en öðrum. Mikilvægt að forðast að vera með bera leggi seinnipartinn og á kvöldin. Nota moskítóvörn og önnur efni sem fæla þær frá. Gott er að taka ofnæmistöflur á meðan við erum í landinu.
TRYGGINGAR: Á Kúbu er góð heilbrigiðsþjónusta og alþjóðlegar læknamiðstöðvar. Mikilvægt er að hafa útprentuð gögn á ensku eða spænsku að þið hafið tryggingu.

Question 11

Get ég notað Vildarpunkta Icelandair eða gjafakort Icelandair?

Answer

Nei, því miður þá er ekki hægt að nota vildarpunkta eða gjafarkort til að greiða upp í ferð.

Question 12

Hvernig er gistingin á Kúbu?

Answer

Allir staðir sem við gistum á hafa verið skoðaðir af okkur og við gerum miklar kröfur til samstarfsaðilla okkar. Flestar nætur gistum við í heimahúsum eða svokölluðum Casa Paticular, sem er í AirBnB stíl. Öll herbergi eru með einkabaðherbergi og morgunmatur er innifalinn. Frábær gistihús þar sem ykkur gefst tækifæri að kynnast heimamönnum. Lokanæturnar á Kúbu gistum við á strandarhóteli með öllu inniföldu. Við veljum aðeins hótel sem standast okkar kröfur varðandi hreinlæti og þjónustu.

Question 13

Frekari spurningar?

Answer

Allar upplýsingar um ferðina, miða og aðrar upplýsingar vinsamlegast sendu tölvupóst á cuba@2go.is

Question 14

Hvað borga einstaklingar mikið aukalega?

Answer

Ef þú ert að ferðast ein/n þá er það auðvitað ekkert mál. Aukgreiðsla fyrir ferðina er 49.900. Þetta gjald er vegna þess að hótelin kosta meira þegar þú ferðast ein/n.

Question 15

Þarf að greiða ferðina með greiðslukorti til að trygging kortsins gildi?

Answer

Tryggingar kreditkorta eru mismunandi eftir tegundum og því mikilvægt að athuga hjá greiðslukortafyrirtækinu. Það þarf ekki að greiða með greiðslukortinu til að tryggingin af kortinu sé í gildi. Það er nóg að vera handhafi kortsins.

Question 16

Bólusettningar

Answer

Það þarf ekki að bólusetja sig sérstaklega fyrir Kúbuferðina en ef þú ert með undirliggjandi sjúkdóm talaðu við lækninnn þinn. Lifrabólga A er til staðar og stífkrampa sprauta er gott að hafa.

Fyrir ferðalagið