Hvers vegna að ferðast til Marokkó með okkur?

Við leggjum áherslu á að hafa ferðir okkar eins fjölbreytilegar og hægt er. Í ferðunum til Marokkó munið þið upplifa stórborgarlífið í hinni einstöku Marrakesh, kyrrðina í eyðimörkinni og ekki síst litadýrðina í einni elstu borg heims, Fes. Við gefum ykkur líka góðan tíma til að upplifa á eigin spýtur en ef ykkur finnst öruggara að vera með öðrum þá erum við alltaf með eitthvað til að gera.

 

Hversu öruggt er að ferðast í Marokkó? 

Við höfum farið til landsins mörgum sinnum og höfum ekki upplifað annað en mikið öryggi í landinu. Það er lögð mikil áhersla á að ferðamenn séu öruggir og það sést t.d. með því að lögreglan skoðar reglulega skráningar/leyfi hjá leiðsögumönnum. Á öllum riadöum (litlu hótelunum sem við gistum á) eru öryggishólf þar sem hægt er að geyma verðmæti.

 

Hvað er Riad?

Riad er byggingastíll þar sem fjölskyldur bjuggu áður fyrr og eru hús með garði í miðjunni. Í dag eru riad venjulega rekin sem hótel/gistiheimili. Þetta eru oft fallegustu húsin sem hægt er að finna í Marokkó. Við gistum á mismunandi stöðum í fallegum og mjög hreinum riadöum með frábærri þjónustu. Við höfum sjálfir skoðað allar gistingar sem við notum í Marokkó.

​