Lent er síðdegis í sólríku Marrakesh þar sem innfæddur leiðsögumaður tekur á móti hópnum. Keyrum á riadhótelið okkar í heillandi gamla borgarhlutanum. Tími til að skoða sig aðeins um á litríkum mörkuðum. Hópurinn borðar sameiginlegan kvöldverð þar sem marokkósk tónlist og stemning koma ferðinni vel af stað.

Mjög stutt keyrsla þennan dag. 

Dagurinn hefst með stuttri ferð út úr borginni til að upplifa kyrrð og fegurð eyðimerkursvæðis. Þar fá ferðalangar tækifæri á að prófa að ríða á úlföldum og njóta marokkósks te í stórbrotinni náttúru. Að því loknu er ekið í gegnum gróskumikla sveit og gestir fá að kynnast framleiðslu arganolíu, einni af verðmætustu olíum heimsins, Á leiðinni er jafnframt komið við á stað þar sem geitur klifra í trjám – sjaldséð sjón!  Deginum lýkur við ströndina þar sem sjávarloftið tekur á móti hópnum í notalegu hafnarborginni Essaouira. Kvöldverður á frábærum veitingastað innan borgarveggjanna.

Aðeins þriggja tíma keyrsla yfir daginn.  

Dagurinn fer í að kanna líflega miðbæinn og sögulega hafnarsvæðið Essaouira. Gengið er um þröng stræti og litríka markaði þar sem finna má krydd, viðarhandverk og heimagerð listaverk. Þeir sem vilja geta notið fersks sjávarfangs í hádeginu og slakað svo á við hafið síðdegis.

Engin keyrsla þennan dag. 

Lagt er af stað meðfram glæsilegri strandlengju með víðsýnum útsýnisstöðum. Á leiðinni má sjá náttúrulegar gersemar, fuglalíf og einstakt sveitalandslag. Komið er við í nútímalegu strandborginni Agadir, þar sem við fáum tíma til að rölta meðfram ströndinni eða njóta kaffibolla með útsýni yfir hafið. Að lokum er ekið áfram til undursamlegu borgarinnar Traoudant sem er inn í landi, þar sem gamlar múrbyggingar og litríkt mannlíf bíður okkar.

​Rúmir fjórir tímar í keyrslu en við tökum mjög góð stopp á leiðinni. 

Þessi dagur er tileinkaður heillandi mannlífinu í Taroudant. Hópurinn skoðar iðandi markaði, silfurverkstæði og kryddverslanir. Valfrjálst er að fara í hestvagnsferð um gamla borgarhlutann eða njóta afslappandi gufu- og nuddmeðferðar í hefðbundinni baðstofu. Um kvöldið býðst tækifæri til að snæða kvöldverð á fjölskylduheimili og kynnast matarmenningu og gestrisni innfæddra frá fyrstu hendi.

Engin keyrsla þennan dag. 

Eftir morgunmat er ekið til baka yfir græna dali og sveitir þar sem við stöldrum við hjá bændum og í litlum verslunum á leiðinni. Eftir komuna til Marrakesh gefst tími til að versla á líflegum mörkuðum eða slaka á með drykk. Kvöldið frjálst.

Keyrslan er rúmir þrír tímar.

Við heimsækjum helstu sögulegu staði borgarinnar, göngum um sögufræg torg og skoðum einstaka garða og byggingar frá miðöldum. Þeir sem vilja geta tekið þátt í marokkóskum matreiðslutíma eða farið á listasafn. Um kvöldið borðum við saman lokakvöldverði þar sem við njótum við lifandi tónlistar, drekkum í okkur andrúmsloft borgarinnar og ljúkum þar með ferðinni með stæl.

Engin keyrsla þennan dag. 

Eftir morgunverð og rólega byrjun á deginum er frjáls tími. Ekið út á völl eftir hádegi og flogið heim til Íslands með töskurnar fullar af minningum.

Stutt keyrsla út á flugvöll.