Af hverju að ferðast með okkur?

Frá árinu 2017 höfum við lagt okkur fram við að skapa einstakar ferðir sem færa fólk nær landi, menningu og heimamönnum. Við skipuleggjum ekki hefðbundnar hópferðir heldur persónulegar upplifanir þar sem hver dagur er úthugsaður og nægur tími gefst til að njóta staðarins.

​

Ferðalag okkar hófst á Kúbu, landi sem við þekkjum afar vel og eigum sterk tengsl við. Síðan höfum við nýtt reynsluna og sama metnað við að skapa vandaðar ferðir til Marokkó og Kosta Ríka. Á hverjum áfangastað vinnum við með traustu samstarfsfólki sem þekkir landið, söguna og menninguna frá fyrstu hendi.

​

Við viljum sýna hið raunverulega land — ekki aðeins þekktustu ferðamannastaðina. Þess vegna heimsækjum við heimamenn, njótum staðbundinnar matargerðar og upplifum náttúruna og daglegt líf á einlægan og virðingarfullan hátt. Með því styðjum við jafnframt einstaklinga, fjölskyldur og lítil fyrirtæki á hverjum stað.

Í gegnum árin hefur orðið til einstakt samfélag ferðalanga í kringum Kúbuferðir.

Margir viðskiptavina okkar hafa ferðast með okkur oftar en einu sinni og eru meðal þeirra fyrstu sem skrá sig þegar við kynnum nýjan áfangastað. Það traust er okkur ómetanlegt og hvetur okkur til að halda áfram að skapa ferðir sem fólk minnist lengi.

​

Með Kúbuferðum færðu persónulega þjónustu, vandað skipulag og raunverulegar upplifanir — í góðum félagsskap og á afslöppuðum hraða.