KOSTA RÍKA FERÐIR
Eldfjöll, regnskógar, dýralíf og Kyrrahafsstrendur
Af hverju Kúbuferðir?
Kúbuferðir hófu göngu sína árið 2017 með hópferðum frá Íslandi til Kúbu og þaðan kemur nafnið okkar. Síðan þá höfum við einnig skipulagt ferðir til Marokkó og Kosta Ríka.
Í dag leggjum við megináherslu á vandaðar hópferðir til Kosta Ríka, þar sem náttúra, dýralíf, menning og góð samvera fara saman.
Margir ferðast með okkur aftur og aftur eða koma til okkar eftir meðmælum. Við leggjum áherslu á persónulega þjónustu, góðan félagsskap og ferðir sem fólk minnist lengi.
❝ Margir ferðast með okkur aftur og aftur ❞
Um Kosta Ríka
Kosta Ríka er eitt magnaðasta náttúruland heims og áfangastaður sem kemur flestum á óvart. Landið er þekkt fyrir friðsælt samfélag, stórbrotna náttúru og einstaka lífsgleði sem heimamenn kalla „Pura Vida“.
Líkt og Ísland er Kosta Ríka land eldfjalla, jarðhita og hreins vatns. Þar má finna iðandi regnskóga, glæsilega fossa, náttúrulegar heitar laugar og fjölbreytt dýralíf sem erfitt er að upplifa annars staðar. Letidýr, apar, túkanar, litríkir páfagaukar og hundruð annarra fuglategunda eru hluti af daglegu lífi landsins.
Þótt Kosta Ríka sé aðeins um 51.000 km² að stærð hýsir landið um 5% af allri líffræðilegri fjölbreytni jarðar. Yfir fjórðungur landsins er friðlýstur og mikil áhersla er lögð á náttúruvernd og sjálfbærni.
Við höfum skipulagt ferðina þannig að þú upplifir það besta sem Kosta Ríka hefur upp á að bjóða án þess að ferðalagið verði þreytandi. Við dveljum tvær til þrjár nætur á hverjum stað svo nægur tími gefist til að njóta náttúrunnar, matarins, menningarinnar og þeirra fjölbreyttu afþreyingar sem í boði er.
Fararstjóri ferðarinnar er Guðni Kristinsson sem hefur áratuga reynslu af fararstjórn og hópferðum víða um heim. Markmið hans er að hver ferðalangur njóti persónulegrar þjónustu, öryggis og eftirminnilegrar upplifunar frá upphafi til enda.
Hvort sem þú vilt slaka á í náttúrulegum heitum laugum, ganga um regnskóg, fylgjast með villtum dýrum, sigla við Kyrrahafsströndina eða einfaldlega njóta lífsins í fallegu umhverfi, þá býður Kosta Ríka upp á ferð sem situr lengi í minningunni.
